Vandaldar Dáýit paıǵambar meshitin búldirip ketipti
ASTANA. 9 qańtar. QazAqparat - «Ál-Aqsa» qory qyzmetkerleriniń aıtýynsha, belgisiz bireýler Qudystaǵy «Ál-Aqsa» meshitiniń ońtústik batysyndaǵy ál-Janı tarıhı aýdanynda ornalasqan Dáýit paıǵambardyń meshitin búldirip ketken. Bul týraly muslim.kz saıty habarlaıdy.
Dálirek aıtqanda, búldirýshiler 17 ǵasyrǵa tıesili Osman ımperııasy tusynda mármárden qalanǵan meshittiń aldyńǵy jaǵyn qıratyp ketken.
«Ál-Aqsa» qorynyń basshylary sońǵy kezderi Qudystaǵy Islam qundylyqtary vandaldardyń nysanyna jıi iline bergenin aıtyp otyr», - dep jazady Áziret Sultan meshitiniń saıty.
