Vanıa Kıngpen juptasyp óner kórsetken qazaqstandyq tennısshi ıAroslava Shvedova US Open ashyq chempıonatynda jeńiske jetti
ASTANA. Qyrkúıektiń 14-i. QazAqparat /Murat Jakeev/ -Qazaqstandyq tennısshi ıAroslava Shvedova men amerıkandyq sportshy Vanıa Kıngtiń juby US Open ashyq chempıonatynyń jeńimpazdary atandy.
«Úlken shlem» týrnırleriniń qataryna kiretin Nıý-Iorkte ótken jarystyń aqtyq kezeńinde qazaqstandyq-amerıkandyq jup Lızel Hýber men Nadejda Petrovanyń amerıkandyq-reseılik alıansyn 2:6, 6:4, 7(7):6(4) esebimen jeńdi.
Fınaldyq kezdesý jeksenbi, qyrkúıektiń 12-sinde bastalyp, dúısenbi kúni ıaqtaldy. Jarystyń eki kúnge sozylýyna nóser jaýyn sebep boldy. Birinshi kúni L. Hýber/ N. Petrova juby 2:6, 6:4
eseppen alda kele jatqan bolatyn. Úshinshi sette esep 5:4 bolǵan kezde, nóserdiń saldarynan oıyndy toqtatyp, kezdesýdi kelesi kúnge aýystyrýǵa týra keldi. Osy úzilis Shvedova men Kıngtiń jubyna jaqsy áser etse kerek, olar kelesi kúni jalǵastyrǵan oıyndy taı-breıkte -7:6 eseppen aıaqtady.
Vanıa Kıng juptyq týrnırde osymen on ekinshi ret jeńiske jetse, ıAroslava Shvedova mundaı jarystarda úsh ret qana jeńiske jetken.
