Van Gogtyń óler aldynda salǵan kartınasy 61 mln. dollarǵa satyldy
ASTANA. QazAqparat - Vınsent Van Gogtyń óler aldynda salǵan «Natıýrmort. «Túımedaqtar men kóknár gúlderi bar saýyt» kartınasy Nıý-Iorkte ótken «Impressıonızm men modernızm óneri» Sotheby's bássaýdasynda 61,8 mln. dollarǵa satyldy, dep habarlandy bássaýda úıiniń saıtynda.
Van Gog bul týyndyny 1890 jyly Parıjge jaqyn mańaıdaǵy Over-sıýr-Ýaz qalashyǵyndaǵy óziniń dosy, sýretshiniń densaýlyǵyn qadaǵalaǵan doktor Pol Gasheniń úıinde bolǵanda saldy. Boljam boıynsha, ol kezde qarajattan qınalǵan sýretshi bul shyǵarmasyn Gashege medıtsınalyq kómegi úshin bergen.
