Van Gogtyń «Qyzǵaldaqtar» týyndysy murajaı qyzmetkerleriniń salǵyrttyǵynan qoldy boldy
ASTANA. Tamyzdyń 23-i. QazAqparat - Mysyrdyń qaýipsizdik kúshteri Vınsent van Gogtyń ótken aptada urlanǵan «Qyzǵaldaqtar» týyndysyn izdestirýdi jalǵastyrýda. Quny 55 mıllıon dollarǵa baǵalanyp otyrǵan kartına senbi kúni Kaırdegi Muhammed Mahmud Halıl murajaıynan urlanǵan bolatyn, dep habarlaıdy «Maıak» radıosy.
Sýrettiń qoldy bolǵany anyqtala salyp, qaýipsizdik qyzmetkerleri dereý tekserýler júrgizgen, murajaıǵa kelýshilerden, murajaı qyzmetkerlerinen jaýap alǵan, biraq bul sharalar eshqandaı nátıje bergen joq.
Mysyrdyń bas prokýrory Ábdel Maǵıd Mahmud jeksenbi kúni murajaıdyń kúzet qyzmetin qatty synǵa aldy. Murajaıdyń shaǵyn aýmaqty alyp jatqanyna jáne oǵan keletin týrısterdiń de onsha kóp emestigine qaramastan, kúzetshiler qundy jádigerdiń qoldy bolýyna jol berip alǵan. Oqıǵa kezinde murajaıdaǵy 43 beınebaqylaý kamerasynyń tek jeteýi ǵana istep turǵan, al barlyq derlik eksponattarǵa qosylǵan dabyl óshirilip túrǵan.
