Van Gogtyń 14 jyl buryn urlanǵan qos týyndysy tabyldy
ASTANA. QazAqparat - Italııa polıtsııasy Van Gogtyń 2 sýretin tapty. Qundy óner týyndylary ataqty sýretshiniń Amsterdamdaǵy mýzeıinen budan 14 jyl buryn joǵalyp ketken edi, dep habarlaıdy Habar 24 telearnasy.
Tabylǵan «Shevenıngendegi teńiz» kartınasy 1882, al «Nıýenendegi shirkeý» shyǵarmasy 1885 jyly salynǵan. Olardy 2002 jyly neapolıtandyq mafııanyń urylary qoldy etken desedi. Qos týyndynyń da baǵasy mıllıondaǵan eýro turady. Sýretter jaqsy saqtalǵan. Alaıda onyń Amsterdamǵa qashan qaıtarylatyny ázirge belgisiz.
