Van Gog kartınasy aýktsıonda 39,2 mln dollarǵa satyldy

NЬıÝ-IORK. QazAqparat – Gollandııanyń ımpressıonıst sýretshisi Vınsent Van Gogtyń (1853-1890) «Trenktaedaǵy kópir» kartınasy beısenbi kúni Nıý-Iorktiń Christie's bássaýdasynda 39,2 mln dollarǵa satyldy, dep habarlaıdy QazAqparat.

Van Gog bul kartınany 1888 jyly salǵan.

Lottyń quny 34 mln dollardy quraǵan, alaıda kartınanyń jańa ıesine barlyq qosymsha tólemderdi eseptegende, ol úshin jalpy 39,29 mln dollar tóleýine týra keledi.

Van Gog 2100-den astam týyndynyń avtory, sonyń ishinde 860-qa jýyq kartına maıly boıaýmen salynǵan. Olardyń arasynda portretter, avtoportretter, túrli peızajdar men natıýrmorttar bar.

Christie's-tiń atap ótýinshe, Van Gog bul kartınany óz shyǵarmashylyǵynyń eń jemisti kezeńderiniń birinde salǵan.