Valıýta naryǵyndaǵy jaǵdaı turaqtalyp keledi - Ulttyq bank
ALMATY. QazAqparat - QR Ulttyq bankiniń tóraǵasy Danııar Aqyshev QR Úkimeti otyrysynda teńgeniń bolashaǵy jaıly aıtyp berdi, dep habarlaıdy QazAqparat tilshisi.
«Іshki valıýta naryǵy sońǵy aılarda óte qubylmaly bolǵany belgili. Bul birinshi kezekte alypsatarlyq faktormen baılanysty boldy. Alaıda jaǵdaı birshama turaqtanyp keledi. Orta merzimdi prespektıvada ulttyq valıýtanyń baǵamyn anyqtaıtyn irgeli faktorlar teńge baǵamynyń kúsheıýine ákelip otyr», - dedi Aqyshev.
Ol belgili ber kezeńde sheteldik valıýtanyń tapshylyǵy kezinde Ulttyq bank ulttyq valıýtany satqanyn atap ótti.
«QR Ulttyq bankiniń altyn valıýtalyq rezervteri 10,2%-ǵa artyp, 33 mlrd AQSh dollaryn qurady. QR Ulttyq qorynyń valıýtalyq aktıvteri 57 mlrd AQSh dollaryna jetti. Jalpy halyqaralyq rezervter 89 mlrd AQSh dollary boldy», - dedi Ulttyq bank basshysy.
Onyń aıtýynsha, halyq arasynda aqshasyn dollarmen saqtaıtyndardyń qatary azaıyp keledi.
«Ulttyq valıýta aqsha saqtaýdyń quraly retinde tanymal qural bolyp otyr. Jyl basynan beri teńge depozıtteri 6%-ǵa artqany belgili boldy», - dedi Aqyshev.
