Valıýta baǵamyna engizilgen túzetýler el ekonomıkasyna oń serpin berdi - QR Ulttyq bank tóraǵasy
ASTANA. QazAqparat - Valıýta baǵamyna engizilgen túzetýler el ekonomıkasyna oń serpin berdi. Bul týraly búgin Ortalyq kommýnıkatsııalar qyzmetindegi brıfıngte QR Ulttyq bankiniń tóraǵasy Qaırat Kelimbetov málim etti.
«Birinshi toqsannyń qorytyndysy boıynsha aǵymdaǵy esepshottyń ońtaıly saldosyna qol jetkizildi. Onyń kólemi 5,5 mlrd. dollardy qurady. Mysaly, bizde ótken jyly aǵymdaǵy shottyń tólem balansynyń teris saldosy qalyptasqan edi. Onyń deńgeıi mınýs 118 mln. dollar kóleminde boldy. ıAǵnı, osy oraıda júrgizilgen valıýtalyq túzetýlerge ekonomıkanyń ońtaıly qarqyny aıqyn baıqalýda», - dedi ol.
Sonymen qatar Ulttyq bank tóraǵasy 2014 jyly ınflıatsııa 6-8 paıyz dálizinde bolatynyn atap ótti.
«Sáýirde ınflıatsııa 0,6 paıyzdy qurady. Birinshi toqsanda ınflıatsııa deńgeıi 3,3 paıyzdy qurady. Al tórt aıdyń qorytyndysy boıynsha onyń deńgeıi 3,9 paıyzdy qamtydy», - dedi ol.
Q.Kelimbetovtyń sózine qaraǵanda, aqpandaǵy ınflıatsııa serpilisin esepke almaǵanda, elimizde onyń deńgeıi qalypty dálizge túsip otyr.
