Valıýta baǵamyn túzetý sharalary otandyq taýarlardyń básekege qabilettiligin arttyrýǵa oń yqpal etedi - Úkimet basshysy
ASTANA. QazAqparat - Úkimet valıýta baǵamynyń ózgerýine baılanysty qalyptasqan jaǵdaıǵa tıisti sharalardy qabyldaıdy. Bul týraly búgin Aqordada Úkimettiń keńeıtilgen otyrysynda Premer-Mınıstr Serik Ahmetov málim etti.
«Aǵymdaǵy aptada Ulttyq valıýta baǵamyn túzetý sharalary otandyq taýarlar men olardy óndirýshilerdiń básekege qabilettiligin arttyrýǵa oń yqpal etedi dep paıymdaımyz. Sonymen qatar keıbir otandyq taýar óndirýshilerde qıyndyqtar týyndaýy múmkin ekenin túsinemiz. Negizinen olar jańa óndiristerdi qurý nemese qoldanystaǵy óndiristerdi jańǵyrtý úshin valıýtalyq nesıeler esebinen quraldar men materıaldardy ımporttaıtyndarǵa qatysty bolmaq», - dedi S. Ahmetov.
Osy oraıda Úkimet basshysy qalyptasqan ahýalǵa taldaý jasalyp, qajetti sharalar qabyldanatynyn atap ótti.
