Valıýta baǵamy tablosyn ǵımarat ishine kirgizbegen beketterge aıyppul salynýy múmkin

ASTANA. KAZINFORM — Ulttyq bank tóraǵasy Tımýr Súleımenov valıýta baǵamynyń tablosyn ǵımarat ishine kirgizbegen aıyrbastaý beketterine qandaı shara qoldanylatynyn aıtty. 

1 qyrkúıekten bastap Qazaqstandaǵy aıyrbastaý beketteri valıýta baǵamdary kórsetilgen elektrondyq tablony ǵımarat ishine kirgizýge mindettelip otyr. alyp tastaýǵa mindetti bolady. Ulttyq bank basshysy bul talapqa baǵynbaǵan kásipkerlerge qandaı shara qoldanylatynyn aıtty.

— Sanktsııalar Ákimshilik kodekste jazylǵan. Biz talaptardy qalyptastyramyz, al jaýapkershilik zańda kózdelgen. Jańa talaptardy saqtamaǵany úshin aıyppul mólsheri 3-ten (11 796 teńge -red.) 5 aılyq eseptik kórsetkishke (19 660 teńge) deıin barýy múmkin, — dedi ol.

Aıta keteıik jańa talap boıynsha 1 qyrkúıekten bastap valıýta baǵamy týraly aqparattyq stend (tablo) aıyrbastaý beketiniń ishinde nemese kassa janynda bolýy kerek.