Valıýta aıyrbastaý oryndarynda teńge baǵamy nyǵaıdy

ALMATY. QazAqparat - Nur-Sultan men Almaty qalalaryndaǵy aqsha aıyrbastaý pýnkterinde dollar 471-479 teńgeden saýdalanyp jatyr, dep habarlaıdy QazAqparat tilshisi.

Kurs.kz derekteri boıynsha, Nur-Sultandaǵy valıýta aıyrbastaý oryndarynda 1 dollar 471-476 teńgeden satylyp jatyr.

Al, Almatyda dollar baǵamy 475-479 teńge aralyǵynda qubylyp tur.

18 tamyz kúngi keshki saýda qorytyndysy boıynsha, dollardyń ortasha baǵamy 0,24 teńgege tómendep, 476,01 teńge bolǵan.

Ulttyq banktiń 19 tamyzdaǵy resmı baǵamy – 1 dollarǵa 475,94 teńge.

Dál qazirgi ýaqytta Almatydaǵy aqsha aıyrbastaý oryndarynda Reseı valıýtasy 7,35-7,55 teńge aralyǵynda saýdalanyp jatyr.