Valıýta aıyrbastaý: Alaıaq kassır 1 mln dollardy jymqyryp ketti
ASTANA. QazAqparat - Máskeýdiń quqyq qorǵaý organdary aqshany jymqyrý maqsatynda valıýta aıyrbastaý beketin ashqan alaıaqty izdestirip jatyr, dep xabarlaıdy QazAqparat tilshisi Mk.ru saıtyna silteme jasap.
Resmı aqparatqa sáıkes, 28 jeltoqsanda Sadovaıa-Samotechnaıa kóshesinde ornalasqan valıýta aıyrbastaý beketine eki adam baryp, 56 mıllıon 740 myń rýbldi (shamamen 1 mln dollar) aıyrbastaýǵa bergen. Kassır jigit aqsha salynǵan sómkeni alady da, valıýtaǵa aıyrbastaımyn dep, kassanyń terezesin japqan. Sol kúıi sómkemen birge taıyp turǵan.
Polıtsııaǵa aryz túsirgenderdiń sózine qaraǵanda, valıýta aıyrbastaý beketinde barlyq qural-jabdyqtar bolǵan. Syrtynda "aqsha aıyrbastaý beketi" degen jazý da turǵan. Quqyq qorǵaýshylar iri kólemde alaıaqtyq jasaý boıynsha qylmystyq is qozǵady. Alaıaq qassır áli tabylǵan joq.
