«Valıýt Tranzıt» bankiniń 4700 salymshysyna 4,3 mln. teńgeden tólenedi
ASTANA. QazAqparat - Bankrotqa ushyraǵan «Valıýt Tranzıt» bankiniń 4700 salymshysyna 4,3 mln. teńgeden tólenedi. Bul týraly búgin «KTK» telearnasyndaǵy «Halyq qyzmetshisi» baǵdarlamasyna suhbat bergen QR Ulttyq bankiniń tóraǵasy Qaırat Kelimbetov málim etti.
Onyń atap ótýinshe, bastapqyda bank depozıtindegi 700 myń teńgege memleket tarapynan kepildik berilse, keıinnen onyń kólemi 5 mln. teńgege deıin arttyrylǵan. Al aldaǵy ýaqytta depozıttegi qarjyǵa 10 mln. teńgege deıin kepildik berilmek.
«Esterińizde bolsa, menedjmenttiń kásibı bolmaýy saldarynan 2006 jyly «Valıýt Tranzıt» banki bankrotqa ushyraǵan edi. Onda kóptegen depozıterııler qalyp qoıǵan bolatyn. Salymshy bolǵan shamamen 4700 adam 700 myń teńgeden qarjylaryn qaıtaryp aldy. Biraq, olardyń depozıtteriniń kólemi odan da mol bolatyn. Sondyqtan depozıtterdiń kepildiligine senimdi arttyrý úshin saıası sheshim qabyldanyp, onyń kólemi 5 mln. teńgege deıin arttyryldy. Árıne, mundaı qadamǵa barmaýǵa da bolatyn edi. Biraq, salymshylardyń basym bóligi zeınetkerler bolatyn. Sondyqtan Úkimet pen Ulttyq bank sheshim qabyldap, turaqtandyrý qorynan qarjy bóldi. ıAǵnı, 4700 adamnyń árqaısysyna 4,3 mln. teńgeden qarjy tólenetin bolady», - dedi Ulttyq bank tóraǵasy.
Osy rette Q.Kelimbetov aldaǵy ýaqytta mundaı jaıtqa jol berilmeıtindigin basa aıtty.
