Valletta álemdegi eń ádemi astanalardyń kóshin bastady

ASTANA. KAZINFORM — Malta astanasy Valletta Condé Nast Traveler jýrnalynyń nusqasy boıynsha «álemdegi eń ádemi astana» dep tanyldy. 

BILD aqparat agenttiginiń málimetinshe, Qala Parıj, Afına jáne Lıssabon sııaqty týrıstik alpaýyttardy basyp ozyp, 2025 jyly oqyrmandardyń tańdaýy boıynsha júldeli oryndarǵa ıe boldy. 182 myńnan astam oqyrman qalanyń mádenıeti, taǵamdary men qonaqjaılylyǵyn joǵary baǵalap, daýys berdi.

Valletta 100 upaıdan 97,33 upaı jınady. Saıahatshylar úshin de bul qala álemdegi eń jaqsy mekenderdiń biri boldy. 

— Bul marapat saıahatshylardyń bizdiń mádenı muramyzǵa jáne Malta halqynyń qonaqjaılyǵyna degen rızashylyǵy dep túsinýge bolady, - dep málimdedi Maltanyń Týrızm mınıstri ıAn Borg. 

Valletta — HVI ǵasyrda Malta rytsarlary negizin qalaǵan jáne 1980 jyldan beri ıÝNESKO-nyń Búkilálemdik mura nysany. Kólemi bir sharshy shaqyrymnan az qala barokko saraılarymen, ejelgi bekinis qabyrǵalarymen, shirkeýlerimen jáne tar kóshelerimen maqtana alatyn naǵyz ashyq aspan astyndaǵy murajaı ispettes.

Sondaı-aq Malta astanasy úzdik fılmderimen tanymal: Gladıator, Troıa jáne Valletta Koroliniń qonýyna shabyt bergen «Taqtar oıynynyń» birinshi epızody osy jerde túsirilgen.