Valerııa, Avraam Rýsso, Na-Na, Fabrıka, Kornı jańa maýsymda «Túngi stýdııa» tok-shoýynyń qonaǵy bolady
ASTANA. QazAqparat - 1 qazan kúni «Qazaqstan» telearnasynyń Nurlan Qoıanbaevpen «Túngi stýdııa» baǵdarlamasynyń jańa maýsymy bastalady, dep habarlady «Qazaqstan» respýblıkalyq teleradıokorporatsııasynyń baspasóz qyzmeti.
Jańa maýsymda belgili júrgizýshi Nurlan Qoıanbaevtyń qadirli qonaqtarynyń qatarynan tanymal estrada jáne kıno juldyzdaryn, opera ánshilerin, sportshylardy, rejısserler men prodıýserlerdi, ǵaryshkerler men motobaıkerlerdi de kóre alasyzdar.
Atap aıtsaq, «Týngi stýdııa» baǵdarlamasyna kórkem gımnasshy Álııa ıÝsýpova, ártis, saıqymazaq Murat Mutyrǵanov, qazaqstandyq oryndaýshylar Abaı Begeı men Maqpal Isabekova qatysady dep kútilýde.
Kórermenderdi budan basqa da tosyn syılar kútip tur. Nurlannyń stýdııasynda Reseıdiń kıno, teatr, estrada jáne tsırk óneriniń juldyzdary qonaqta bolady. 2 qazan kúni alǵashqy reseılik qonaq - jabaıy ańdardy qolǵa úıretýshi Edgard Zapashnyı bolmaq. Odan keıin Gennadıı Hazanov, Valerııa, Mıhaıl Efremov, Elena Vorobeı, Avraam Rýsso, Na-Na, Fabrıka, Kornı, Gradýsy, Banderos, Ýmatýrman, 312 án toptary, Vıktorııa Daıneko, Ivanýshkı-Interneshnldegi Andreı Apollonov, Nıkıta Presnıakov, Satı Kazanova, «RÝDN» kóńildi-tapqyrlar klýby, Mıtıa Fomın, Katıa Lel, Domınık Djoker, ıÝlııa Kovalchýk stýdııanyń qadirmendi qonaqtary bolmaq.
Nurlan Qoıanbaev efırdiń jarty saǵatynyń ishinde qonaqtardyń qyr-syryn bilip, baǵdarlamanyń qyzyqty ótýine óz septigin tıgizbekshi.
Joba avtorlary kórermenderge budan da basqa birqatar tosyn syılar ázirleýde. Mysaly, «Juldyzdy ınstagramm» aıdarynda Nurlan ázil aralas túsiniktemelerimen qazaqstandyq jáne reseı estrada juldyzdarynyń ınstagramm paraqshalarymen bólisedi. ıAǵnı, bir aptanyń ishinde juldyzdardyń nemen aınalysqandaryn, qaı jerde dem alǵandaryn jáne budan da basqasyn kórermenderge jetkizbekshi.
Jańa maýsymda stýdııa qonaqtaryna Nurlan ǵana emes, sonymen qatar kishkentaı búldirshinder de suraqtaryn qoımaqshy. Juldyzdar balalyq shaqtaǵy sýretterin jáne túrli qyzyqty bastan ótken jaǵdaılarymen bólisedi. Al eń myqty qonaqtar balalardyń artynan qaıtalap, túrli bet qımyldaryn jasaıdy.
