Valerıı Meladzeniń Almatydaǵy kontserti ótpeıtin boldy

ALMATY. KAZINFORM – Almatyda 20, 23 jáne 25 qańtarǵa josparlanǵan Valerıı Meladzeniń kontserti ótpeıtin boldy.

Reseılik ánshi Valerıı Meladzeniń otbasyndaǵy qaıǵyly jaǵdaıǵa baılanysty qańtar aıyna josparlanǵan kontserti keıinge shegerildi.

«Qurmetti dostar! Jaqyn adamdarynyń biriniń qaıtys bolýyna baılanysty, maǵan Almatyda ótetin kontsertimdi 2,4 jáne 6 aqpanǵa aýystyrýyma týra kelip tur. Meni túsinesizder dep oılaımyn»,- dedi ánshi.

Uıymdastyrýshylardyń aıtýynsha, satyp alynǵan barlyq bılet jańa kúnge jaramdy bolady.

Bıletti ótkizý úshin alynǵan jerge habarlasý kerek.