Valentına Matvıenko Qazaqstannyń Tuńǵysh Prezıdentin quttyqtady

NUR-SULTAN. QazAqparat - Elbasy Reseı Federatsııasy Federaldyq jınalysy Federatsııa keńesiniń tóraǵasy Valentına Matvıenkomen telefon arqyly sóılesti, dep habarlaıdy Elbasy.kz.

Valentına Matvıenko Nursultan Nazarbaevty týǵan kúnimen jáne Elorda kúnimen quttyqtap, zor densaýlyq pen jańa belesterdi baǵyndyra berýine tilektestik bildirdi.

Federatsııa keńesiniń tóraǵasy jaýapty sheshimder qabyldap, kóregen saıasat ustana bilgen Nursultan Nazarbaev keń aýqymdy reformalardyń irgetasyn qalaǵanyn, óz eliniń júıeli damýy men halyqtyń ál-aýqatyn arttyrýdy qamtamasyz etkenin, sondaı-aq Qazaqstannyń halyqaralyq bedelin arttyrýǵa yqpal etkenin atap ótti.

Elbasy Valentına Matvıenkoǵa jyly lebizderi úshin rızashylyǵyn bildirip, Qazaqstan men Reseıdiń strategııalyq yntymaqtastyq pen odaqtastyq qatynasy aıasynda eki el arasynda parlamentaralyq baılanystardy odan ári nyǵaıtýdyń mańyzyn aıtty.