Valentına Matvıenko Qasym-Jomart Toqaevqa QR Prezıdenti retindegi qyzmetine tabys tiledi
ASTANA. QazAqparat - Memleket basshysy Qasym-Jomart Toqaev Reseı Federatsııasy Federaldyq Jınalysy Federatsııa Keńesiniń tóraıymy Valentına Matvıenkomen telefon arqyly sóılesti. Bul týraly Aqordanyń baspasóz qyzmetinen málim etti, dep habarlaıdy QazAqparat.
Federatsııa Keńesiniń tóraıymy Valentına Matvıenko Qasym-Jomart Toqaevty Qazaqstan Respýblıkasynyń Prezıdenti laýazymyna kirisýimen quttyqtap, joǵary memlekettik qyzmetine tabys tiledi.
Qasym-Jomart Toqaev quttyqtaǵany úshin Valentına Matvıenkoǵa rızashylyq aıtyp, Qazaqstan men Reseıdiń parlamentaralyq baılanystary eki eldiń ıgiligi úshin odan ári nyǵaıa túsetinine senim bildirdi.
Telefon arqyly sóılesýge Reseı jaǵy bastamashy boldy.
