Valentına Halzova Mońǵolııadaǵy Azııa chempıonatynyń jartylaı fınalyna shyqty
ASTANA. KAZINFORM – Qazaqstandyq boksshy Valentına Halzova Mońǵolııanyń Ulan-Batyr qalasynda ótip jatqan Azııa chempıonatynyń jartylaı fınalyna joldama aldy.
75 kelige deıingi salmaqta óner kórsetken Halzova shırek fınalda ońtústikkoreıalyq Sýen Sonmen kezdesip, alǵashqy raýndtan bastap basymdyq tanytty. Ol qarsylasyn eki ret nokdaýnǵa jiberip, ekinshi raýndta tehnıkalyq nokaýtpen jeńiske jetti. Osy nátıjesiniń arqasynda Halzova kem degende qola medalǵa ıe boldy.
Aıta keteıik, 60 kelige deıingi salmaqta synǵa túsken Orazbek Asylqulov qarsylasynyń jarystan bas tartýyna baılanysty tikeleı jartylaı fınalǵa ótti. Al 65 kelige deıingi salmaqtaǵy Ertýǵan Zeınýllınov fınalǵa shyǵý úshin baq synaıdy. Ókinishke qaraı Sanjar Táshkenbaı (50 kelige deıin) men Laýra Esenkeldi (65 kelige deıin) jarys jolyn erte aıaqtady.
Buǵan deıin Ertýǵan Zeınýllınov Azııa chempıonatynda jartylaı fınalǵa shyqqanyn habarlaǵanbyz.
