Valentına Halzova Azııa chempıonatynda qola júldeger atandy

Otandasymyz fınal joldamasyn qytaılyq Tszyı Baomen sarapqa saldy.

Tájirıbeli otandasymyz qashyqtyqta jumys istep, qarsylasynyń ár shabýylyn tolyqtaı baqylaý alýǵa tyrysty. Al Qytaı boksshysy 3 raýnd boıy toqtaýsyz shabýylda boldy.

Nátıjesinde tóreshiler 3:1 esebimen jeńisti Zı Baoǵa berdi.

Valentına Halzova 1997 jyly 16 qańtarda dúnıege kelgen. Qazirge deıin 2016 jyly álem chempıony atansa, 2022, 2023 jyldary qola júldeger boldy.

Azııa chempıonatynda 2017 jyly kúmis medal alǵan edi.

Onyń qarsylasy 2024 jyly jastar arasynda álem chempıony atandy.

Aıta ketsek, budan buryn el quramasynan Baqyt Seıdish (70 keli) qytaılyq Alımır Abýdýreımýdi 5:0 esebimen jeńip, fınalǵa joldama aldy.

Endi el quramasynan bes sportshy sharshy alańǵa shyǵady. Aldymen Mahmud Sabyrhan (55 keli) mońǵolııalyq Harhýý Bılgýýnsaıhanmen kezdesse, Nadejda Rıabets (80 keli) úndistandyq Pýdja Ranı, Dına Islambekova (80 keliden joǵary) ózbekstandyq Oltınoı Sotımboeva, Ertýǵan Zeınýllınov (65 keli) taılandtyq Býndjong Sınsırımen qolǵap túıistiredi.

Búgingi jarys kúninde sońǵy jekpe-jekti Tórehan Sabyrhan (70 keli) qytaılyq Peıchen Vanǵa qarsy ótkizedi.

Sondaı-aq elimizdiń erler quramasynan Orazbek Asylqulov (60 keli), Sabyrjan Aqqalyqov (75 keli), Nurbek Oralbaı (85 keli), Saǵyndyq Toǵambaı (90 keli), Aıbek Oralbaı (90 keliden joǵary), áıelderde Aıgerim Sáttibaeva (48 keli) jartylaı fınal joldamasyn sarapqa salady.

Qurlyqtyq dodada el quramasynan barlyǵy 13 boksshy jarysty jalǵastyrýǵa múmkindik aldy.