Valensııada 25 myń adam narazylyq sherýine shyǵyp, úkimettiń otstavkaǵa ketýin talap etti
ASTANA. KAZINFORM – Aımaq basshysy Karlos Mazon men onyń úkimeti júzdegen adamnyń ómirin qıǵan sý tasqynynda der kezinde áreket jasamady dep aıyptaldy, dep habarlaıdy Euronews.
Ispanııanyń myńdaǵan azamaty senbi kúni Valensııa kóshelerine shyǵyp, aımaq basshysy Karlos Mazon men onyń úkimetiniń otstavkaǵa ketýin talap etti. Olar apatty sý tasqyny kezinde áreketti keshiktirgeni jáne der kezinde kómek kórsetpegeni úshin aıyptalyp otyr.
Bul ótken jyldyń qazan aıynan beri Valensııada ótip jatqan tórtinshi manıfestatsııa. Oǵan 25 myńǵa jýyq adam jınaldy.
Karlos Mazon Ispanııa jurtshylyǵynyń úlken qysymyna ushyrady. Onyń basshylyǵy halyqty tabıǵı apat týraly der kezinde habardar etpegeni úshin synǵa alyndy. Turǵyndar uıaly telefondaryna tótenshe jaǵdaı týraly eskertý sý qala kvartaldaryna aǵyp ketken soń birneshe saǵattan keıin ǵana alǵanyn aıtyp shaǵymdandy.
Konservatıvti Halyqtyq partııanyń ókili Mazondy halyq sondaı-aq apatqa baıaý jáne retsiz áreket etkeni úshin synǵa ushyrady.
Zardap shekkenderge birinshi bolyp eriktiler kómek kórsetti. Aımaqtyq sheneýnikter polıtsııa men áskerı qyzmetkerlerdi birneshe kún ótken soń, federaldy úkimet buıyrǵan kezde ǵana jumyldyrdy.
Aımaq turǵyndary sý tasqynynan keıin úkimettiń kómek kórsetý men qalpyna keltirý jumystaryn baıaý júrgizip jatqanyn aıtty. Mazon óz kezeginde apattyń aýqymy kútpegen jáne onyń ákimshiligi ortalyq organdardan jetkilikti aqparat almaǵanyn alǵa tartyp otyr.
Apatty sý tasqyny 224 adamnyń ómirin qıdy. Myńdaǵan adam baspanasynan aıyryldy.
Izraıl Iordan ózeniniń batys jaǵalaýynda ornalasqan bosqyndar lagerindegi 20 úıdi jaryp jibergenin jazǵan bolatynbyz.