Vaktsınatsııalaý boıynsha eseptilik elektrondyq formatqa kóshiriledi
ASTANA. KAZINFORM — Vedomstvo basshysy Aqmaral Álnazarovanyń tóraǵalyǵymen ótken Densaýlyq saqtaý mınıstrliginiń apparattyq keńesinde ımmýnoprofılaktıka júıesin eseptiliktiń elektrondyq formatyna kezeń-kezeńimen kóshirý máseleleri qaraldy.
Qańtar aıynan bastap elimizde «Vaktsınatsııalaý modýli» aqparattyq júıesinde halyqty vaktsınatsııalaý jáne vaktsınalar qozǵalysy boıynsha elektrondyq eseptilikke tolyq kóshý júzege asyryldy.
Bul qadam densaýlyq saqtaý júıesin tsıfrlandyrýdyń mańyzdy kezeńi bolyp tabylady jáne derekterdiń ashyqtyǵyn, jedeldiligin jáne salystyrmalylyǵyn arttyrýǵa baǵyttalǵan.
Aǵymdaǵy derekterdi taldaý sheńberinde elektrondyq eseptilikti toltyrýdyń sapasy men tolyqtyǵyn odan ári arttyrý, sondaı-aq tsıfrlyq jáne eseptik kórsetkishterdi sınhrondaý qajettigi atap ótildi.
Keńes qorytyndysy boıynsha vedomstvo basshysy kelesi tapsyrmany berdi:
vaktsınatsııalaý boıynsha qaǵaz eseptiliktiń elektrondyq formatqa kóshýin jedeldetý;
medıtsına qyzmetkerlerin aqparattyq júıelermen jumys isteýge oqytýdy qamtamasyz etý;
óńirlik deńgeıde derekter sapasynyń turaqty monıtorıngin qamtamasyz etý.
Elektrondyq formatqa kóshý protsesterdiń basqarylýyn jaqsartýǵa jáne ımmýnoprofılaktıka salasynda saralanǵan sheshimder qabyldaýdy qamtamasyz etýge múmkindik beredi.
Aıta ketelik Astanada bıyl 380-nen astam adam qyzylsha dertine shaldyqty.