Vaktsınadan bas tartýdyń basym bóligi 2 jasqa deıingi balalarǵa qatysty
ASTANA. KAZINFORM – Elimizde balasyna vaktsına saldyrýdan bas tartqan ata-analardyń sany kóbeıdi me? Bul suraqqa QR Densaýlyq saqtaý mınıstrligi jaýap berdi.
- Ókinishke qaraı, elimizde ekpeden bas tartý derekteri jyl saıyn artyp keledi. Mundaı jaǵdaı basqa da elderde baıqalyp otyr. Qazirgi ýaqytta epıdemıologııalyq jaǵdaıdy turaqtandyrý boıynsha jumystar jalǵasyp keledi. Infektsııalyq aýrýlarmen kúreste vaktsınoprofılaktıka arqyly qol jetkizilgen aıtarlyqtaı jetistikterge qaramastan, sońǵy jyldary álem elderinde vaktsınatsııadan bas tartý úrdisi artty. Bul óz kezeginde epıdemıologııalyq ahýaldy saqtaýǵa qatysty máselede alańdatady, - delingen mınıstrliktiń Kazinform agenttigine bergen jaýabynda.
Vedomstvo málimetine qaraǵanda, vaktsınatsııadan bas tartý sebepterin taldaý kórsetkendeı, negizgi sebepter: jeke nanym-senimder (62%), dinı kózqarastar (16%), vaktsınalarǵa senimsizdik (15%), ınternettegi teris aqparat (8%).
- Ekpeden bas tartýdyń basym bóligi 2 jasqa deıingi balalarǵa (58%) tıesili. Sondyqtan Densaýlyq saqtaý mınıstrligi ekpeden bas tartý jaǵdaıyn azaıtý jáne halyqtyń habardarlyǵyn arttyrý úshin keshendi tásildi qoldanady. Sondaı-aq vaktsınatsııa máseleleri boıynsha EGU.kz aqparattyq portaly jumys isteıdi. Dinı lıderlermen, sonyń ishinde Qazaqstan musylmandary dinı basqarmasymen yntymaqtastyq ornatylǵan, Dúnıejúzilik densaýlyq saqtaý uıymy zertteýleri negizinde birlesken sharalar ázirlenip jatyr. Medıtsına qyzmetkerleriniń quzyrettiligi de artyp keledi, ıaǵnı 2025 jyly 2,7 myńnan astam semınar ótkizilip, 46 myńnan astam maman oqytyldy, - dep atalyp ótken DSM aqparatynda.
Aıta keteıik, elde vaktsınadan bas tartý jaǵdaılary sońǵy 8 jylda 4,8 ese artqany málim boldy.
