Vaktsına alǵandarǵa da qyzylsha qaýipti me - maman pikiri

Qyzylshaǵa qarsy vaktsına alýyna qaramastan adamnyń atalǵan dertke shaldyǵýy múmkin be? Atalǵan saýalǵa maman jaýap berdi, dep habarlaıdy Kazinform.

«Qyzylshaǵa qarsy vaktsına alǵandardyń ishinde 2,5-4% atalǵan dertke shaldyǵýy múmkin. Bul qalypty jaǵdaı. Biraq, vaktsına alyp aýyrǵan jaǵdaıyń ózinde ol jeńil soǵady. Sonymen qatar asqyný bolmaıdy. Taǵy bir másele balanyń nemese eresektiń ımmýndyq jaǵdaıyna da baılanysty», - dedi Astana medıtsına ýnıversıteti balalar juqpaly aýrýlar kafedrasynyń meńgerýshisi Dınagúl Baesheva OKQ-de ótken brıfıngide.

Onyń aıtýynsha, qyzylshaǵa qarsy ekpe alǵandardyń 95-96% ol dertpen aýyrmaıdy.