Vaktsınanyń birinshi dozasynan keıin aýyrǵandar ekinshi dozany qalaı alady
«Eger adam koronavırýsqa qarsy vaktsınanyń alǵashqy dozasynan keıin aýyryp qalsa, aldymen tıisti em alýy kerek. Árıne, emdeý kezeńinde ol ekinshi dozany almaıdy. Saýyqqannan keıin bizde kez kelgen vaktsınalaý úsh-alty aı ótkennen keıin bastalady. Tıisinshe, birinshi komponentti alǵannan keıin aýyrǵandar emdeledi jáne qalpyna kelgennen keıin úsh-alty aı kútedi. Qalpyna kelgen soń alty aıdan keıin vaktsınalaýdyń tolyq kýrsyn qaıtadan bastaıdy», - dedi spıker Ortalyq kommýnıkatsııalar qyzmetinde ótken baspasóz máslıhatynda.
ıAǵnı, mamannyń aıtýynsha, vaktsınalaý kýrsy qaıtadan birinshi dozadan bastalady.
«Biz qazir barlyq qaýlylarda koronavırýspen aýyrǵandardyǵ 3 aı boıy vaktsına almaıtynyn, vaktsınalaýdan bosatylatynyn, olardyń kez kelgen uıymǵa jáne jumystan barýdan shettetilmeıtinin jáne jáne PTR testileý tapsyrmaıtynyn jazyp jatyrmyz», - dedi R. Qojapova.
Sonymen birge, spıker koronavırýsqa antıdeneler aǵzada orta eseppen alty aı saqtalatynyn eske saldy.