Vaktsınamen qamtylǵan turǵyndardyń sany 9,5 mln-ǵa jýyqtady

NUR-SULTAN. QazAqparat - Bıylǵy 20 sáýirge deıin Qazaqstanda Pfizer vaktsınasynyń birinshi dozasyn 1 027 356 adam alsa, ekinshi dozasyn 881 570 adam saldyrdy, dep habarlaıdy QazAqparat tilshisi.

Vedomstvoaralyq komıssııanyń málimetinshe, Pfizer ekpesiniń birinshi komponentimen qamtylǵandardyń 810 165-i jasóspirimder, 37 495-i júkti áıelder, 134 185-i bala emizetin analar. Ekinshi kompanentin alǵan jasóspirimderdiń sany – 731 405, júkti áıelder – 32 005, al bala emizetin áıelder – 115 481.

«Jalpy, 20 sáýirdegi esep boıynsha, Qazaqstanda koronavırýs ınfektsııasyna qarsy vaktsınanyń birinshi komponentin 9 475 840 adam aldy, ekinshi komponentin 9 224 495 azamat saldyrdy», - dep málimdedi komıssııanyń baspasóz qyzmeti.