Vaktsınalaý týraly elektrondy pasportqa QR-kod engiziledi

NUR-SULTAN. QazAqparat – Qazaqstandaǵy vaktsınalaý týraly elektrondy pasportqa QR-kod engiziledi. Bul týraly QR Tsıfrlyq damý, ınnovatsııalar jáne aeroǵarysh ónerkásibi vıtse-mınıstri Áset Turysov aıtyp berdi, dep habarlaıdy QazAqparat.

«Shekaradan óterde, mysaly Qyrǵyzstanmen shekarada kóptegen adamdar vaktsınalaý pasportyn kórsetedi jáne olardan QR-kod talap etiledi. Sol arqyly adamnyń vaktsına alǵan-almaǵanyn tekserýge bolady. Qazaqstannyń vaktsınalaý pasportynda mundaı kod joq. Ony engizý josparda bar ma?», - dep suraq qoıdy jýrnalıst Ortalyq kommýnıkatsııalar qyzmetinde ótken brıfıngte.

Vıtse-mınıstr Áset Turysov eGov mobile-da QR-kod ázirlenip jatqanyn jáne vaktsınalaý pasportyna engiziletinin aıtty.

«Sonymen qatar, vaktsınalaý pasporttarynyń qaǵaz nusqalarynda QR-kod bar. Sondyqtan, shetelge shyǵarda shekarada qıyndyqtarǵa tap bolmaý úshin qaǵaz nusqasyn alýǵa bolady. EGov mobile-ǵa kelsek, engizý jumystary júrip jatyr», - dep atap ótti Áset Turysov.