Vaktsınalaý pasportyn satyp alǵan pavlodarlyq aýyr halde jatyr

PAVLODAR. QazAqparat - Pavlodarda vaktsınalaý pasportyn satyp alǵan áıel adam aýyr halde jatyr. Ol ózine jáne týystaryna tólqujat satyp alǵanyn moıyndady, dep habarlaıdy Pavlodarnews.kz.

Bul týraly Óńirlik kommýnıkatsııalar qyzmetinde ótken oblystyq densaýlyq saqtaý basqarmasynyń basshysy Aıdar Seıtqazınov málim etti.

Kardıologııada jalǵan tólqujat alǵan áıel jatyr. Ol ózine jáne týystaryna tólqujat satyp alǵanyn moıyndady. Qazirgi ýaqytta naýqastyń jaǵdaıy aýyr. Jasandy jeldetý apparatyna qosylǵan, - dedi Aıdar Seıtqazınov.

Spıker óńir turǵyndaryn jalǵan vaktsınalaý pasportyn almaýǵa shaqyrady.