Vaktsınalaý pasporty «Ashyq» qosymshasymen qashan biriktiriledi
NUR-SULTAN. QazAqparat - Vaktsınalaý pasportyn «Ashyq» qosymshasymen biriktirý 2021 jylǵy 1 shildeden bastap júzege asyrylady. Bul týraly halyq aldynda esep berý kezdesýinde QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.
«Halyqqa ımmýnoprofılaktıka jasaý úshin biz e-gov mobile «Vaktsınatsııa» servısin, sms-habarlamalardy, jeke kabınetti paıdalaný, sondaı-aq «Tsıfrlyq qujattar» servısine vaktsınatsııa pasportyn engizý arqyly IT-tehnologııalardyń múmkindikterin keńinen paıdalanamyz», - dedi mınıstr Ortalyq kommýnıkatsııalar qyzmetinde.
Onyń aıtýynsha, vaktsınatsııa pasporty mynadaı derekterdi qamtıdy: adam qandaı preparattardy, qaı dozada, qaı kúnderde (3 tilde iske asyryldy) alǵany jazylady.
Sonymen qatar pasport QR-kodtyń kómegimen qujatty talap etý orny boıynsha kórsetý jáne qoljetimdilikti ashý múmkindigin usynady.
«Vaktsınatsııalaý pasporty vaktsınanyń 2 komponentin alýyna qaraı beriledi. Qazirgi ýaqytta vaktsınatsııa pasportyn biriktirý úshin IATA halyqaralyq áýe kóligi qaýymdastyǵymen yntymaqtastyq máselesi qarastyrylýda. Vaktsınatsııa pasportyn «Ashyq» qosymshasymen biriktirý 2021 jylǵy 1 shildeden bastap júzege asyrylady», - dedi A. Tsoı.
