Vaktsınalaý - ınfektsııalyq aýrýlardan qorǵanýdyń tıimdi ádisi - Lıýdmıla Bıýrabekova
«Sońǵy kezderi vaktsınatsııa máselesi áleýmettik jelilerde belsendi talqylaýdan ótip jatyr. Mınıstrlik alańynda osy baǵytta birneshe márte onlaın talqylaý ótkizip, ekpe jasaý mańyzdylyǵyn túsindirdik. Bul sharalarǵa sarapshylar, Parlament depýtattary, dárigerler men tanymal jýrnalıster qatysty. Búgingi talqylaý barysynda ata-analardy tolǵandyrǵan barlyq suraqtarǵa jaýap beremiz dep oılaımyn», - dedi L. Bıýrabekova Qazaqstandaǵy mindetti ekpe máselesin talqylaýǵa arnalǵan onlaın konferentsııada.
Sonymen qatar ol statıstıkalyq málimetterge toqtaldy.
«Vaktsınalaý ınfektsııalyq aýrýlardan qorǵanýdyń tıimdi ádisi bolyp otyr. Dúnıejúzilik densaýlyq saqtaý uıymy málimetinshe, ekpe jasaý jyl saıyn 3 mln-nan adamnyń ómirin qorǵaıdy», - dedi Lıýdmıla Bıýrabekova.