Vaktsınalaý bastalǵannan keıin álemde 9 jańa mıllıarder paıda boldy

NUR-SULTAN. QazAqparat – Vaktsınalaý bastalǵannan keıin álemde 9 jańa mıllıarder paıda boldy. Olardyń jıyntyq paıdasy $19,3 mlrd quraıdy. Bul týraly QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi VAK jumysy týraly telegram kanalǵa silteme jasap habarlaıdy.

Keıbir derekter boıynsha bul tabys deńgeıi tómen elderdiń halqyn ekpemen qamtýǵa jetkilikti bolar edi. Eń kóp tabys tapqan Moderna jáne BioNTech basshylary. Sonymen qatar mıllıarderler tizimine kelesiler kirdi:

* ımmýnolog jáne Moderna ınvestory Tımotı Sprınger ($2,2 mlrd.)
* Moderna Dırektorlar keńesiniń tóraǵasy Nýbar Afeıan ($1,9 mlrd.)
* Moderns vaktsınalary úshin qaptama daıyndaıtyn Rovi kompanııasynyń tóraǵasy Hýan Lopes-Belmonte ($1,8 mlrd.)
*ǵalym jáne Modern ınvestory Robert Langer ($1,6 mlrd.)
* qytaılyq CanSino Biologics farmatsevtıkalyq kompanııasynyń quryltaıshysy jáne bas ǵylymı qyzmetkeri Chjý Tao ($1,3 mlrd.) * CanSino Biologics kompanııasynyń quryltaıshysy jáne aǵa vıtse-prezıdenti Tsıý Dýnsý ($1,2 mlrd)
* SanSino Biologics kompanııasynyń quryltaıshysy jáne aǵa vıtse-prezıdenti Mao Hýaıhýa ($1 mlrd).
DDU Sovid-19-dan bolǵan ólim jaǵdaılaryn baǵalady. Statıstıka resmı derekterden birneshe ese joǵary boldy. Anyǵynda 6-8 mln adamnyń kóz jumýy múmkin dep málimdelgen edi. DDU bas dırektorynyń derekter jáne analıtıka jónindegi kómekshisi Samıra Asma kelesi málimetterdi habarlady: «koronavırýs saldarynan bolǵan 3,4 mıllıon ólim jaǵdaılary qaıta qaralýy múmkin, naqty sany 6-8 mln adam bolýy yqtımal».
Reseılik vaktsınalardy óndirýshiler Sovid-19 vaktsınasynyń óndiristik qýattylyǵynyń artqany týraly habarlady. «Vektor» vırýsologııa jáne bıotehnologııa memlekettik ǵylymı ortalyǵy qýattylyqty aıyna 1,1 mln dozaǵa deıin arttyrdy. Ótken jyldyń sońynda bul kórsetkish aıyna 20 myń dozany qurady. Óz kezeginde RǴA Chýmakov atyndaǵy ortalyqtyń dırektory Aıdar Ishmýhametov «KovıVak» vaktsınasynyń óndirisi jylyna 7-8 mln dozaǵa deıin ósetinin aıtty. Kórsetkishterdi jabdyqtardy jańǵyrtý esebinen arttyrý kózdelip otyr.
Germanııa vaktsınalardy kedeı elderge taratý baǵdarlamasyna qosymsha 100 mıllıon eýro bóledi. Bul týraly Germanııa kantsleri Angela Merkel habarlady. Ol Germanııanyń COVAX baǵdarlamasyna qosqan úlesi 1 mlrd eýrodan asqanyn atap ótti. Kantsler sonymen qatar Berlın dári-dármek óndirýshilerinen ýáde etilgen kólemdi alsa, jyl sońyna deıin kedeı elderge vaktsınanyń 30 mıllıon dozasyn úlestiretindigin jetkizdi.