Vaktsınalardyń arqasynda bir jylda 20 mıllıon adam ajaldan aman qaldy - zertteý nátıjesi

NUR-SULTAN. QazAqparat - Vaktsınatsııanyń birinshi jylynda - 2020 jyldyń 8 jeltoqsanynan 2021 jyldyń 8 jeltoqsanyna deıin eki vaktsına kóp adamdardyń ómirin saqtap qaldy. AstraZeneca vaktsınasy aýrýdan shamamen 6,3 mıllıon adamdy, Pfizer/BioNTech vaktsınasy 5,9 mıllıon adamdy qorǵady, dep habarlaıdy QazAqparat.

COVID-19 taralýyna jol bermeý jónindegi vedomstvoaralyq komıssııanyń málimetinshe, Airfinity bul derekterdi kompanııanyń mamandary maýsym aıynda jarııalanǵan London Imperatorlyq kolledjiniń pandemııa kezindegi artyq ólim týraly zertteýleriniń nátıjelerin taldaǵan baıandamada keltiredi. Imperatorlyq kolledjdiń ǵalymdary 2020 jyldyń jeltoqsany men 2021 jyldyń jeltoqsany aralyǵynda vaktsınalardyń arqasynda 20 mıllıon adamnyń ómiri qutqaryldy dep eseptedi.

Airfinity mamandary qaı vaktsınalar eń tıimdi ekenin anyqtaýǵa sheshim qabyldady. Belgili bir elderde ólim-jitimniń sany týraly zertteý derekterin eskere otyryp, Airfinity mamandary osy elderde qandaı óndirýshilerdiń vaktsınasyn qoldanǵanyn anyqtady. Olardyń baǵalaýy boıynsha, pandemııa kezinde qutqarylǵan adam ómiriniń sany boıynsha úshinshi orynda Sinovac vaktsınasy tur, onyń esebinde 2 mıllıonnan astam adam bar. Tórtinshi orynda Moderna - 1,7 mln adam. Top-5-te mıllıon adamnyń ómirin saqtap qalǵan Sinopharm vaktsınasy tur. Reseılik vaktsına Spýtnık V, Airfinity baǵalaýy boıynsha, 940 myńǵa jýyq adamdy qorǵady.