Vaktsınalardy aralastyrý paıdaly – Oksford ýnıversıteti
NUR-SULTAN. QazAqparat – Oksford ýnıversıtetiniń zertteýshileri anyqtaǵandaı, birinshi jáne ekinshi ekpelerge eki túrli vaktsınany qoldaný Covid-19-dan senimdi qorǵaýdy qamtamasyz etedi, dep habarlaıdy QazAqparat VVS-ge silteme jasap.
Tájirıbeler barysynda eriktilerge tórt apta aralyqpen eki túrli vaktsına egildi, nátıjesinde AstraZeneca jáne Pfizer vaktsınalaryn kombınatsııalaý eki AstraZeneca dozasyna qaraǵanda antıdeneler shyǵarýda tıimdirek boldy.
Keıbir elder vaktsınalardyń kombınatsııasyn qoldanady, sondyqtan Ispanııa men Germanııa buryn AstraZeneca ekpesin alǵan jastarǵa Moderna-nyń nemese Pfizer vaktsınasynyń ekinshi dozasyn alýdy usynady.
Alaıda, zertteý avtorlary atap ótkendeı, onyń nátıjeleri birdeı preparatpen júrgiziletin vaktsınalaý júıesine degen senimdi buzbaýy kerek.
