Vaktsınalar qalaı saqtalady – Basqarma jaýaby
NUR-SULTAN. QazAqparat – Elordanyń Qoǵamdyq densaýlyq saqtaý basqarmasy basshysynyń orynbasary Álııa Rústemova vaktsınalardy tasymaldaý jáne saqtaý erejelerin baıandady, dep habarlaıdy QazAqparat tilshisi.
Onyń aıtýynsha, basqarma qoımasynda bir ýaqytta 200 myńǵa jýyq vaktsına dozasyn saqtaýǵa bolatyn tórt muzdatqysh qondyrǵy bar.
«Vaktsınanyń ózi SQ-Farmatsııa habynan avtorefrıjeratorlarda mınýs 18-20 gradýsta jetkiziledi. Jetkizýdiń barlyq kezeńderinde sýyq temperatýra saqtalady. Ári qaraı, osy vaktsınalardy barlyq standarttarǵa sáıkes qoımaǵa qabyldaımyz. Alǵashqy medıtsınalyq-sanıtarııalyq kómek uıymdaryna vaktsına termokonteınerlerde jetkiziledi, olarda termotirkegishter nemese termoındıkatorlar bolady. Solar arqyly tasymaldaýdyń barlyq kezeńderinde temperatýralyq rejımniń saqtalýyn tekseremiz», - dep túsindirdi spıker Nur-Sultan qalasynyń ákimdiginde ótken onlaın brıfırngide.
Árbir medıtsınalyq uıymda vaktsınanyń saqtalýy men tasymaldanýyna jaýap beretin, arnaıy oqytýdan ótken medıtsına qyzmetkeri bekitilgen.
«Olar táýligine eki ret – tańerteń jáne keshke tońazytqysh jabdyǵynyń temperatýrasyn tekseredi jáne munyń barlyǵy temperatýrany esepke alý jýrnalyna jazylady. Eger termodatchıkter tasymaldaý sharttary buzylǵanyn anyqtasa, naqty sharalar qabyldanatyn bolady», - deıdi Á. Rústemova.
Aıta keteıik, elordamyzda vaktsınatsııalaýdyń úshinshi aptasy aıaqtaldy. Vaktsınalaý emhanalar, ınfektsııalyq statsıonarlar, jedel medıtsınalyq járdem, alǵashqy medıtsınalyq sanıtarlyq kómek uıymdary, kópbeıindi statsıonarlardyń qabyldaý bólimderiniń medıtsına qyzmetkerlerine ótkizilýde. Tıisti kontıngent ishinde 6 300 adamnyń 1 980-i vaktsına aldy. Olardyń arasynda asqyný anyqtalǵan joq.
Sonymen birge, Álııa Rústemova «Shet elde Pfizer nemese Moderna vaktsınalary salynsa , Qazaqstanda qabyldana ma?» degen suraqqa jaýap berdi.
