Vaktsınaǵa qatysty halyq arasynda túrli suraqtyń týyndaýy zańdy – epıdemıolog
ALMATY. QazAqparat - QR klınıkalyq jáne irgeli medıtsına akademıgi, Asfendııarov atyndaǵy QazUMÝ epıdemıologııa kafedrasynyń jáne Qazaq medıtsınalyq úzdiksiz bilim berý ýnıversıtetiniń professory Sáken Ámireev onlaın brıfıng barysynda vaktsınatsııalaý isine qatysty oıyn aıtty, dep habarlaıdy QazAqparat tilshisi.
Onyń aıtýynsha, kez kelgen vaktsına shyǵarý isinde aldymen onyń qaýipsizdigi men qorǵanysh qasıetine kóńil bólinedi.
«Qazir birneshe memlekette koronavırýsqa qarsy vaktsına shyǵarylyp jatyr. Sonyń ishinde Reseı tórt túrli vaktsına, al Qazaqstan bir vaktsınany óndirýdi qolǵa aldy. Bul vaktsınalardyń tıimdiligi qandaı degenge kelsek, jalpy kez kelgen vaktsınaǵa qaýipsizdigi men qorǵanysh qasıeti jaıly shart qoıylady. Qaýipsizdik máselesi óte mańyzdy. Keıde óte sırek bolsa da, onyń asqynýlaryn baıqaýǵa bolady», - deıdi ol.
Sonymen qatar ol halyqqa qazirgi vaktsınalaý isin jan-jaqty túsindirý qajettiligin aıtty.
«Koronavırýsqa qarsy vaktsına jaqynda shyqqandyqtan halyq arasynda oǵan qatysty suraqtyń týyndaýy zańdy. Ony biz durys túsindire bilýimiz kerek. Degenmen qorqatyn eshteńe joq. Bul vaktsınany jasamasaq, halyqtyń kópshiligin qorǵaı almaımyz. Qazir álem boıynsha osy vaktsınamen ǵana qorǵana alamyz degen qaǵıda qabyldandy. Oǵan qosa bul vaktsına qansha ýaqytqa deıin saqtaıdy degen suraqtar týyndaýda. Oǵan jaýap berý úshin biraz ýaqyt kerek», - deıdi professor.
Epıdemıologtyń sózinshe, vaktsınanyń arqasynda ujymdyq ımmýnıtet qalyptasady. ıAǵnı, pandemııa tómendeıdi.
«Ózderińiz bilesizder, kóptegen ınfektsııalyq aýrýlardy tek vaktsınalardyń kómegimen jeńdi. Sondyqtan biz ýaqytynda vaktsınatsııadan ótýimiz kerek. Adamdar vaktsına alýdan qorqady. Pandemııany toqtatý úshin halyqtyń 95% vaktsınatsııadan ótýi kerek. Bul vırýsty vaktsınasyz toqtatý múmkin emes»,- deıdi spıker.
