Vaktsınaǵa qarsy kórsetilim qalaı anyqtalady

NUR-SULTAN. QazAqparat – QR DSM sanıtarlyq-epıdemıologııalyq baqylaý komıtetiniń tóraǵasy Aıjan Esmaǵambetova koronavırýs ınfektsııasyna qarsy vaktsınaǵa qarsy kórsetilimdi anyqtaý mehanızmin túsindirdi, dep habarlaıdy QazAqparat.

«Búgingi tańda álemniń kez kelgen jerinde jáne kez kelgen vaktsınaǵa qatysty allergııalyq synaqtar júrgizilmeıdi, olardy júrgizý de qajet emes. Qarsy kórsetilimder tiziminde anafılaktıkalyq shok, vaktsınany nemese onyń basqa komponentterin engizýge aýyr allergııalyq reaktsııalar bar», - dedi A. Esmaǵambetova Ortalyq kommýnıkatsııalar qyzmetinde ótken brıfıngte.

Ol vaktsınalaý aldyndaǵy ýchaskelik dárigerdiń tekserýi mindetti ekenin atap ótti.

«Tek dáriger vaktsınalaýǵa bolatynyn nemese qarsy kórsetilimi bar-joǵyn anyqtaı alady. Sondyqtan dárigerdiń qaraýynsyz jáne vaktsınalaýǵa ruqsaty joq adamǵa vaktsına salynbaıdy, bul barlyq qaýlylarda jáne barlyq erejelerde jazylǵan jáne tek koronavırýs ınfektsııasyna qarsy vaktsınada qoldanylmaıdy. Bul algorıtm uzaq ýaqyt boıy vaktsınatsııa kezinde qoldanylyp keledi», - dep qorytyndylady A.Esmaǵambetova.