Vaktsınadan keıin aıaq-qoly tartylyp qalǵan áıelge qatysty tekserý jumysy aıaqtaldy
ALMATY. QazAqparat - Almaty qalalyq qoǵamdyq densaýlyq saqtaý basqarmasynyń bastyǵy Narıman Tabynbaev onlaın brıfıng barysynda aıaq qoly tartylǵan akýsher týraly aıtty, dep habarlaıdy QazAqparat tilshisi.
«Perınatologııa jáne balalar kardıohırýrgııa ortalyǵynda akýsher bolyp qyzmet etetin qyzǵa qatysty negizgi komıssııa jumysyn aıaqtady. Onyń jaǵdaıy men vaktsınatsııa arasynda tikeleı baılanys joq. Komıssııa onyń jaǵdaıyn qorqý reaktsııasy retinde baǵalady. Derekterdiń tolyq qorytyndysyn kútemiz. Ol úıinde ata-anasynyń baqylaýynda», - dep jaýap berdi basqarma basshysy.
Buǵan deıin, áleýmettik jelide koronavırýsqa qarsy vaktsınadan keıin áıeldiń aıaq-qoly tartylyp qalǵany týraly vıdeo taraǵan bolatyn. Keıin onyń perınatologııa jáne balalar kardıohırýrgııa ortalyǵynyń akýsheri ekeni anyqtaldy.
