Vaktsınadan bas tartý áreketteri Qazaqstandaǵy epıdemıologııalyq jaǵdaıdy nasharlatady - T. Dúısenova

ASTANA. QazAqparat - Vaktsınadan bas tartý Qazaqstandaǵy epıdemıologııalyq jaǵdaıdy nasharlatady. Bul týraly búgin Astanada Densaýlyq saqtaý jáne áleýmettik damý mınıstrliginiń keńeıtilgen alqa májilisinde atalǵan vedomsvtonyń basshysy Tamara Dúısenova málim etti.

Infektsııalarmen kúreste vaktsınalar eń tıimdi ári qoljetimdi ekenine toqtalǵan mınıstr, Qazaqstannyń profılaktıkalyq ekpelerdiń ulttyq kúntizbesi 21 ınfektsııalyq aýrýǵa qarsy aldyn alý sharasyn qarastyratynyn atap ótti. Halyqty ımmýndaý sharalary aqysyz júrgiziledi jáne jyl saıyn 8 mıllıonnan astam adamǵa egiledi.

«Alaıda sońǵy jyldary vaktsınalardan bas tartýdyń artýy úrdisi baıqalýda. Bul óz kezeginde elimizdegi epıdemıologııalyq jaǵdaıǵa keri áser etýi múmkin», - dedi T. Dúısenova.

Osy oraıda mınıstrlik tarapynan tıisti Jol kartasy ázirlenip, ony júzege asyrý bıyl bastalady. Onda vaktsınalaý barysynda týyndaıtyn problemalardy anyqtaý men olardy joıý qarastyrylǵan.