Vaktsınatsııadan keıingi ımmýnıtet 2 jylǵa deıin saqtalady – dáriger
TÚRKІSTAN. QazAqparat - Túrkistan oblysynda 1-15 aqpan aralyǵynda 1110 medıtsına qyzmetkeri Covid-19-ǵa qarsy ekpe saldyrdy. Bul týraly QazAqparat ákimdiktiń baspasóz qyzmetine silteme jasap habarlaıdy.
Sońǵy bir táýlik ishinde óńirde koronavırýs ınfektsııasyn juqtyrýdyń 6 jaǵdaıy rastaldy. COVID-19 ınfektsııasynyń kúndelikti ósý deńgeıi 0,14% quraıdy. Pandemııa bastalǵaly beri óńirde 4215 jaǵdaıy tirkeldi. Onyń 2704-si sımptomsyz bolyp, 1 672-i statsıonarlyq em qabyldady.
Elimizde halyqty koronavırýs ınfektsııasyna qarsy vaktsınatsııalaý 2021 jylǵy 1 aqpannan bastalǵany belgili. 11 aqpanǵa deıingi kezeńde el aýmaǵynda 14 myńǵa jýyq adam egildi. Qaýipti indetke qarsy egilgender arasynda ımmýndaýdan keıin qolaısyz kórinister tirkelgen joq. Biraq, yqtımal reaktsııalar paıda bolýy múmkin – qyzarý, ınektsııa ornyndaǵy aýyrsyný, temperatýranyń joǵarylaýy, qan qysymynyń qysqa merzimdi joǵarylaýy jáne t.b olar birneshe saǵattan birneshe kúnge deıin sozylady.
Koronavırýsqa qarsy vaktsınany 21 kúndik aralyqpen eki kezeńde engizý kerek. Birinshi doza antıdenelerdiń az mólsherin óndirýge baılanysty qysqa qorǵanys áserin beredi. Ekinshi doza birinshisiniń áserin kúsheıtip, bekitedi jáne adam aǵzasyndaǵy antıdeneler sany artady. Vaktsınanyń birinshi jáne ekinshi dozalary arasynda juqtyrý yqtımaldyǵy bar, sondyqtan vaktsınatsııa kezinde dárigerler aldyn-alý erejelerin, mysaly, betperde kııý, qoldy emdeý, áleýmettik qashyqtyq saqtaýǵa shaqyrady.
«Klınıkalyq zertteýlerge sáıkes, vaktsınatsııadan keıin alynǵan ımmýnıtet 1 jyldan 2 jylǵa deıin saqtalady. Sonymen qatar, antıdeneler KVI-dan qalpyna kelgennen keıin ortasha eseppen 6 aı saqtalatyny anyqtaldy. Osylaısha, vaktsınatsııadan keıin deneni KVI-den qorǵaıtyn antıdeneler uzaǵyraq saqtalady dep aıta alamyz»,-dep túsindirdi dáriger-epıdemıolog, QR DSM DZSUO sanıtarlyq-epıdemıologııalyq saraptama jáne monıtorıng ǵylymı-praktıkalyq ortalyǵynyń sarapshysy Lena Qasabekova.
