Vaktsınatsııadan bas tartý qyzylshaǵa shaldyǵý deńgeıin úsh eseleıdi - Jandarbek Bekshın
«Bizdiń mindetimiz - ımmýndy emes kontıngentti anyqtaý. Amerıkalyq ǵalymdar 2017 jyly zertteý jumystaryn júrgizgen bolatyn. Ol ǵalymdar eger vaktsınatsııadan bas tartqandardyń sany 5 paıyzǵa ósetin bolsa, osy aýrýǵa shaldyǵý deıgeıi úsh esege kóbeıetinin dáleldep shyqty. Eger ótken jyly elimizde vaktsınatsııadan 6 myń adam bas tartsa, endeshe qyzylshaǵa shaldyǵýshylardyń sany 18 myńǵa jetedi dep boljaı berýge bolady. Qyzylsha óziniń meńdep ketýimen qaýipti. Tek sımptomatıka boıynsha emdeledi», - deıdi Jandarbek Bekshın.
Eske sala ketsek, Qazaqstanda 1 sáýirden bastap qyzylshaǵa qarsy vaktsınatsııa júrgiziledi.
«Qazirgi tańda Qazaqstanda qyzylsha boıynsha epıdemıologııalyq jaǵdaı kóńil kónshitpeıdi. Sondyqtan, búgingi tańda bizdiń qyzmetkerlerimiz aldyn alý jumystaryna basa nazar aýdaryp otyr. Bıylǵy jyldyń 1 qańtarynan bastap elimizde 4670 jaǵdaı tirkeldi. Onyń ishinde balalardyń qyzylshaǵa shaldyǵýy 71 paıyzdy quraıdy. Sońǵy aptada elimizde 450 jaǵdaı tirkeldi», - deıdi QR DSM Qoǵamdyq densaýlyq saqtaý komıtetiniń tóraǵasy - QR Bas memlekettik sanıtarııalyq dárigeri Jandarbek Bekshın OKQ-da ótken baspasóz máslıhatynda.