Vaktsınatsııa koronavırýstyń aýyr túri men ólimnen qorǵaıdy – epıdemıolog
ALMATY. QazAqparat – Almatylyq epıdemıolog Elvıra Ibragımova kornavırýsqa qarsy vaktsınanyń tıimdiligi týraly aıtty, dep habarlaıdy QazAqparat tilshisi.
«Vaktsınatsııanyń basty nátıjesi - adam bul vırýsty juqtyrmaıdy. Naýqas adammen baılanysta bolsa da. Immýnıtet qalyptasqannan keıin, aǵzada ınfektsııaǵa qarsy turatyn antıdeneler paıda bolady. Sımptomsyz adam óziniń naýqas ekenin bilmeı, ımmýnıteti tómen jáne sozylmaly aýrýy bar adamdarǵa juqtyrýy múmkin. Mundaı jaǵdaılar jıi kezdesedi. Sondyqtan ilespe aýrý bar turǵyndardy vaktsınatsııalaý mańyzdy, biraq tek remıssııa kezinde. Sondaı-aq, vaktsına ólimnen jáne aýrýdyń aýyrlyǵynan qorǵaıdy. Vaktsına jasaýshylardyń klınıkalyq synaq nátıjeleri boıynsha vaktsınatsııa tıimdiligi 97% quraıdy», - Elvıra Ibragımova.
Sonymen qatar, ol vaktsına keıde allergııalyq shok týdyrýy múmkin ekenin atap ótti. Biraq, mundaı jaǵdaı óte sırek kezdesedi. Tıptik reaktsııalar: ınektsııa ornynyń aýyrsynýy, bas jáne bulshyqettiń aýrýy bolady.
«Vaktsına alǵannan keıin de profılaktıkalyq sharalardy saqtaý qajet. Atap aıtar bolsam, áleýmettik araqashyqtyq, maska rejımi. Eger JRVI belgileri baıqalsa, dárigerge qaralý kerek»,- dedi epıdemıolog.
