Vaktsınatsııa koronavırýsty jeńýdiń jalǵyz tıimdi sheshimi – Sáken Ámireev
NUR-SULTAN. QazAqparat – Vaktsınatsııa koronavırýsty jeńýdiń jalǵyz tıimdi sheshimi. Mundaı pikirdi medıtsına ǵylymdarynyń doktory, epıdemıolog Sáken Ámireev bildirdi, dep habarlaıdy QazAqparat tilshisi.
«Jappaı vaktsınatsııalaý – bul máseleniń bir ǵana durys ári tıimdi sheshimi. Bul rette jatyr moıny obyrysy jáne ózge de aýyrýlardy týdyratyn tabıǵı sheshek, polıomıelıt, vırýsty gepatıt, qyzylsha, epıdparotıt, pnevmokok pnevmanııasy syndy aýyr ınfektsııalarmen kúreste jattaı vaktsınatsııalaý joǵary tıimdiligin kórsetkendigin mysalǵa alýǵa bolady. 1980 jyly Dúnıejúzilik densaýlyq saqtaý uıymy óte qaýipti ınfektsııa sanalyp kelgen tabıǵı sheshektiń tolyqtaı joıylǵanyn jarııalady. Jer betiniń barlyq turǵyndaryn jappaı vaktsınatsııalaý aýrýdyń aldyn alýmen qatar tabıǵı sheshek túrindegi vırýstyń da joıylyp ketýine septigin tıgizdi», - dedi ol koronavırýstyń jańa tolqynyn talqylaýǵa arnalǵan dáris barysynda.
Sonymen qatar ol Qazaqstanda koronavırýs ınfektsııasynyń ekinshi tolqyny bastalyp, júrip jatqanyn basa aıtty.
«Aýrýǵa shaldyǵýdyń birshama tómendeýi shekteý sharalarynyń arqasynda múmkin boldy. Degenmen, atalǵan sharalar jeńildetilgennen keıin naýqastaný kórsetkishi qaıta órshı bastady Bul jaıt karantın rejımin jeńildetý týraly qabyldanǵan sheshimniń ýaqytynan buryn oryn alǵandyǵyn kórsetedi», - dedi S.Ámireev.
