Vaktsınatsııa kezinde bosańsymaı, barlyq shekteý sharalaryn saqtaý qajet - epıdemıolog
Onyń aıtýynsha, Almatyda epıdemıologııalyq jaǵdaı turaqty emes.
«Almaty qalasynda epıdemıologııalyq jaǵdaı shıelenisken. 31 qańtardan bastap Almaty qalasy epıdemıologııalyq jaǵdaıdy baǵalaý matrıtsasynyń jasyl aımaǵynda ornalasqan, biraq búgingi kúni Almaty qalasynda koronavırýs indetiniń damý qarqyny boıynsha reprodýktıvti sany R – 0,949, ıaǵnı 1-ge óte jaqyn, odan asyp ketken kezde biz sary aımaqqa kóshemiz. Osyǵan baılanysty Almaty qalasynda matrıtsanyń sary aımaǵyna sáıkes keletin bas memlekettik sanıtarııa dárigeriniń 31 qańtardaǵy qaýlysymen belgilengen shekteý sharalary qoldanylýda»,-deıdi Ásel Qalyqova.
Sonymen qatar, ol koronavırýsty qoǵamdyq orynda juqtyrý artqanyn tilge tıek etti.
«Qalada qoǵamdyq orynda vırýsty juqtyrý 5 paıyzǵa artqan. Negizinen aýa raıynyń jylýyna baılanysty adamdardyń kópshilik jerge jıi shyǵýynan bolyp otyr. Sondaı-aq otbasynda vırýs juqtyrý 2%-ǵa artqan, ıaǵnı toı, qudalyq sııaqty otbasylyq jıyndar áser etken. Bir aptada osyndaı jıynda vırýs juqtyrǵan 16 jaǵdaı tirkeldi. Bul halyqtyń bosańsyp, qaýipsizdik sharasyn eskermegenin kórsetedi», - dedi ol.
Sondaı-aq ol qoǵamdyq kólikte vırýs juqtyrý deńgeıi burynǵydaı 20-22 paıyz kóleminde qalyp otyrǵanyn aıtty.
«Koronavırýspen negizinen 20-40 jas aralyǵyndaǵy azamattar syrqattanyp jatyr. Odan keıingi orynda - 40-50 jas aralyǵyndaǵy azamattar. 14 jasqa deıingi balalar – 11% quraıdy. 15-19 jas aralyǵyndaǵy jasóspirimder - 4% qurap otyr»,-deıdi spıker.
Sóz sońynda maman vaktsınatsııa kezinde barlyq shekteý sharalaryn saqtaýdy jalǵastyrý kerek ekenin aıtty.
«Qazir jappaı vaktsınatsııa júrip jatyr. Sondyqtan ujymdyq ımmýnıtetti damytý nátıjesin alǵanǵa deıin barlyq shekteý sharalaryn saqtaýdy jalǵastyrý qajet»,-deıdi Almaty qalasy sanıtarlyq-epıdemıologııalyq baqylaý departamenti basshysynyń orynbasary Ásel Qalyqova.