Vaktsınatsııa: Islamda jalǵan aqparat taratýdyń kúnási qandaı

NUR-SULTAN. QazAqparat – Telejúrgizýshi Dınara Satjan Instagram-daǵy tikeleı efır arqyly Reseıdegi Máskeý memorıaldyq meshitiniń ımamy Shamıl Alıaýtdınovpen ıslam ilimindegi vaktsınatsııa taqyrybyn talqylady, dep habarlaıdy QazAqparat tilshisi.

«Aramyzda antıvakserler júr, ishinde dáriger de bar. Únemi adamdar arasynda kúmán seýip júredi. Islamda jalǵan aqparat taratý kúná me», - dep surady Dınara Sátjan.

«Jala jabý – ıslamda eń zııandy qasıetterdiń biri. Hadıste ótirikshi adamnyń dinı senim ıesi bola aılaıtyny aıtylǵan. 6 aıattyń 49 súresin boıynsha, sizge repýtatsııasy túsiniksiz, kúnáhar adam kelse jáne qandaı da bir jaǵdaıǵa, adamdarǵa degen kózqarasyńyzdy jaǵymsyz jaqqa ózgerte alatyn málimet berse, bul jaǵdaıdy ashyp, mánin túsinýińiz kerek. ıAǵnı, mán-jaıdy aıqyndaý kerek. Eger asyǵys qorytyndy jasasańyz, bireýge zııan keltirip, sońynda ókinip qalýyńyz múmkin», - dep túsindirdi ımam.

Imamnyń aıtýyna qaraǵanda ıslamda kez-kelgen jaǵdaıda qandaı-da bir túrde ótirik aıtýǵa jol berilmeýi kerek jáne ol kúná bolyp sanalady.

«Quranda adam bilim alyp, biraq ony qoldanbasa, ıaǵnı, mıyn iske qospasa, paıdaly bilimdi zerttemese, ol esekke uqsaıdy dep aıtylady. Qazirgi tańda túrli pikirler bar. Sonyń bárin oqyńyz, qorytyndy jasańyz. Biraq bireýdi qorlaýdyń jáne kemsitýdiń qajeti joq. Bul tómen deńgeıge túsý», - dedi Shamıl Alıaýtdınov.