Vaktsınatsııa Eýropanyń barlyq elinde qarqyn aldy – Eýrokomıssııa prezıdenti
Bul týraly búgin Eýropalyq komıssııanyń prezıdenti Ýrsýla von der Lıaıen málimdedi. Bastapqyda atalǵan 50 mln doza 2021 jyldyń tórtinshi toqsanynda jetkizilýi kerek bolǵan.
Óndiristik qýattyń artýynyń arqasynda nemis kompanııasy óndiris kólemin ósirip, EO aldyndaǵy mindettemesin merziminen buryn oryndady.
Bul Pfizer kompanııasynyń EO-ǵa jetkizetin dozalarynyń jalpy kólemin ekinshi toqsanda 250 mln dozaǵa deıin jetkizýge múmkindik beredi. Dozalar odaqqa múshe barlyq memleket arasynda halyq sanyna proportsıonaldy túrde bólinedi.
«Biz ýaqyt qysyp tur. Eýropalyq odaqtaǵy eresekterdiń 70%-yn vaktsınalaý maqsatyna neǵurlym tezirek jetsek, vırýstyń taralýyn tejeý múmkindigi soǵurlym joǵary bolady. Jaqsy jańalyq - vaktsınatsııa Eýropanyń barlyq elinde qarqyn alýda! Keshegi jaǵdaı boıynsha odaqqa múshe memleketter vaktsınanyń 126 mıllıonnan astam dozasyn aldy. Búgin de biz EO-da ekpeniń 100 mıllıonnan astam dozasyn aldyq dep qýana aıta alamyn. Bul – biz maqtana alatyn meje. Osy 100 mıllıon ekpeniń tórtten birinen astamy ekinshi komponetti dozalar, demek, bizde qazir 27 mıllıonnan astam adam tolyqtaı vaktsınalandy deýge bolady», - dep habarlady Ý.Lıaıen.
Osyǵan súıene otyryp, Eýropalyq komıssııanyń basshysy EO Pfizer kompanııasymen úshinshi kelisimshart boıynsha kelissózder júrgizetinin málimdedi. Bul kelisimshart 2021-2023 jyldar aralyǵynda 1,8 mıllıard doza vaktsına jetkizýdi kózdeıdi.
