Vaktsınatsııa balańyzdy ǵana emes, búkil qoǵamdy qorǵaýshy - Nadejda Petýhova

NUR-SULTAN. QazAqparat - Vaktsınatsııa balańyzdy ǵana emes, búkil qoǵamdy qorǵaýshy. QR Densaýlyq saqtaý mınıstrligi janyndaǵy qoǵamdyq keńestiń, Eýrazııalyq medıtsınalyq qaýymdastyqtyń tóraıymy Nadejda Petýhova osyndaı pikir bildirdi, dep habarlaıdy QazAqparat tilshisi.

«Qazirgi vaktsınalardyń sapasy tómen emes. Sebebi olar tyńǵylyqty zertteýden ótkiziledi. Keıbir analar dárigerlerdiń patsıentke, vaktsınatsııaǵa túrli kózqaraspen qaraıtyndyǵyn aıyp otyrǵan shyǵar. Ekpege qarsy shyǵyp júrgen dárigerlerdiń de toby paıda bolypty. Olar aýtızm jaıynda, ekpeden keıingi asqynýlar týraly pikir bildirdi. Vaktsınatsııa sizdiń balańyzdyń ǵana emes, sonymen birge búkil qoǵamnyń qorǵaýshysy ekendigin aıtqym keledi. Qazirgi ýaqytta koronavırýs indetine baılanysty jaǵdaıdy kórip otyrmyz. Eger biz qazirgi ýaqytta vaktsınatsııa mańyzyn jete túsine almasaq, onda vaktsınatsııa salynbaǵan, belgili bir aýrýlardan qorǵalmaǵan balalar kóp bolǵan saıyn umytyp ketken ınfektsııalardyń qaıta shyǵý qaýpi týyndaıdy», - dedi ol Qazaqstandaǵy mindetti ekpe máselesin talqylaýǵa arnalǵan onlaın konferentsııa barysynda.

Onyń atap ótýinshe, 2002 jyly Qazaqstan polıomelıtten azat aımaq sertıfıkatyn alǵan.

«Osyndaı mańyzdy nátıjege qol jetkizip otyrmyz. Sebebi polıomelıt - bul búkil ómir boıy múgedek bolyp qalýǵa jeteleıtin aýrý. 2002 jyldan beri bizde osynaý kúrdeli aýrý tirkelgen joq. Vaktsınatsııa-kavıaldy ınfektsııalarmen baılanysty kóptegen aýrý túrin joıdyq», - dedi Nadejda Petýhova.