#vaktsınaal: ShQO dárigerleri jańa chellendj bastady
ÓSKEMEN. QazAqparat - Búgin Qazaqstanda koronavırýs ınfektsııasyna qarsy vaktsınatsııanyń birinshi kezeńi bastaldy. Shyǵys Qazaqstan oblysynyń dárigerleri alǵashqylardyń biri bolyp ekpe alýda, dep habarlaıdy QazAqparat.
ShQO-nyń medıtsına mamandary Instagram áleýmettik jelisinde jańa chellendj bastap, qazaqstandyqtardy óz densaýlyǵyna qamqorlyqpen qaraýǵa jáne egý naýqanyna qatysýǵa shaqyrýda.
«Men «Sputnik V» vaktsınasyn erikti túrde qabyldadym, bul múldem aýyrmaıdy, eń bastysy qaýipsiz!!!», - dep jazady jelide Semeı qalalyq jedel medıtsınalyq járdem stantsııasynyń bas medbıkesi Galına Chýkýrova.
Sondaı-aq aktsııaǵa qatysýshylardyń taǵy biri, Shyǵys Qazaqstan oblystyq aýrýhanasynyń qabyldaý bólimshesiniń aǵa medıtsınalyq mamany Oralbek Oralǵazıev vaktsınatsııadan keıin ózin jaqsy sezinetinin aıtady.
«Birinshi bolyp vaktsına qabyldaýdy óz erkimmen sheshtim, bul qajetti shara dep sanaımyn. Qazir men jumysta turmyn, mende barlyǵy jaqsy. V belgisi bar fotosýret vaktsınany bildiredi, sondaı-aq bul pandemııaǵa qarsy bizdiń ortaq jeńisimizdiń belgisi», - dep jazdy Oralbek Oralǵazıev.
Sondaı-aq, jas dáriger Instagram-paraqshasynda preparatqa jeke reaktsııalar paıda bolǵan jaǵdaıda ne isteý kerektigi jónindegi jadynamany qosa ornalastyrǵan. Jadynamada patsıentterdiń 10% álsizdik, jalpy sharshaý jáne júrek aıný bolýy múmkin, fızıkalyq belsendilikti azaıtyp, demalýǵa keńes beriledi.
ShQO Aqparat ortalyǵynan málim etkendeı, patsıentterdiń 5,7% dene men bulshyqettiń aýyrsynýy, bas aýrýy, qaltyraý jáne dene temperatýrasynyń 37 gradýstan joǵary kóterilýi baıqalýy múmkin. 38 gradýstan joǵary temperatýrada mamandar antıpıretıkalyq jáne aýyrsynýdy basatyn dárilerdi qabyldaýǵa keńes beredi. Eger dene temperatýrasy 39 gradýstan joǵary bolsa jáne dári qabyldaǵannan keıin 4 saǵat ishinde tómendemese, dárigerdi shaqyrý kerek. Patsıentterdiń 4,7% vaktsına salynǵan jerde aýyrsyný, qyshý, isiný jáne qyzarý baıqaıdy.
