Vaktsına jetkilikti, halyq enjar – Álııa Rústemova
NUR-SULTAN. QazAqparat – Elordada mamyr aıynyń sońyna qaraıy vaktsınalaý qarqyny sáýirmen alystyrǵanda tómendegen. Qalalyq qoǵamdyq densaýlyq saqtaý basqarmasy basshysynyń orynbasary Álııa Rústemovanyń aıtýynsha, ótken táýlikte astanada 2,5 myń qala turǵyny ekpeniń birinshi komponentin alǵan, dep habarlaıdy QazAqparat tilshisi.
«Vaktsına jetkilikti, qazir halyq enjar. Eger sáýir aıy men mamyrdyń basynda turǵyndar táýligine 6-7 myńǵa jýyq vaktsına alsa, qazirgi kórsetkish áldeqaıda az. Ótken táýlikte 2,5 myń adam birinshi komponentpen egildi», - dedi qalalyq qoǵamdyq densaýlyq saqtaý basqarmasynyń ókili.
Ol áli de bolsa indetpen kúreste vaktsınalaýdaǵa balama tabylmaǵanyn aıtty
«Kórip otyrsyzdar, tek Nur-Sultanda ǵana emes, búkil respýblıka boıynsha tómendeý baıqalyp otyr. Nıet bildirýshiler azaıyp keledi. Biraq biz adamdar vaktsınalaýǵa balama joq ekenin túsinedi dep oılaımyz. Eger koronavırýs ınfektsııasyn toqtatqymyz kelse, vaktsına alýymyz kerek», - dedi Álııa Rústemova.
