Vaktsına jaıynda ne bilýimiz kerek
«Aldyn alý ekpesin salmas buryn ımmýnızatsııa jasalatyn balanyń ata-anasyna nemese olardyń ornyna kelgen adamdardyń barlyǵyna balaǵa qandaı ekpe egiletini, onyń ataýy, mólsheri, óndirýshi el jáne balanyń qaı jerine qandaı ekpe jasalatyny týraly málimet beriledi. Profılaktıkalyq ekpe jasalar aldynda mindetti túrde vaktsına sapasy, qorabynyń, qutysynyń bútindigi, móldirligi, túsi, suıyqtyǵy, jaramdylyq merzimi tekseriledi», - dedi ol.
Onyń atap ótýinshe, medıtsınalyq ımmýndyq preparattar óndirýshi mekemeden bastap, adamǵa salynǵanǵa deıingi aralyqta belgili bir temperatýramen tońazytqyshta turaqty saqtalynady. Tońazytqyshtyń ústińgi jáne astyńǵy bóliginde termometrler ornatylǵan. Termometr gradýsy tońazytqyshta +2 +8 gradýs aralyǵynda bolýy tıis. Basqa dárilik zattardy vaktsınamen birge tońazytqyshtyń ishine qoıýǵa bolmaıdy. Vaktsına turatyn tońazytqyshtar bir táýliktiń ishinde eki ret qana, ıaǵnı, tańerteń vaktsınany alǵan kezde jáne keshke salǵanda ǵana ashylady.
«Al kúni boıy vaktsına jylý ótkizbeıtin arnaıy termokonteınerlerde saqtalady. Termokonteınerdegi temperatýra da +2 +8 gradýs aralyǵynda bolady. ıAǵnı, salqyndyq tizbegi muqııat saqtalady», - dedi Nazerke Ahmethanova.
Medbıkeniń aıtýynsha, profılaktıkalyq egý teri ishine, teri astyna, bulshyq etke jáne Peroraldy (aýyz arqyly) enizý syndy 4 tásilmen júrgiziledi. Teri ishine engiziletin vaktsınaǵa BTsJ, mantý synamasy jáne dıaskıntest jatsa, al qyzylsha, qyzamyq, parotıtke qarsy vaktsına teri astyna engiziledi.
«Qalǵan vaktsınalar pentaksım, geksaksım,AKDS, gepatıt V, A, prevenar 13 syndy qalǵan vaktsınalar bulshyq etken salynady. Polıomıelıtke qarsy vaktsına peroraldy aýyz arqyly tildiń astyna engiziledi. 1 jasqa deıingi sábılerge vaktsına sanynyń syrtqy bulshyq etine salynady. 1 jastan asqan balalarǵa, eresekter ıyqtyń joǵary úshten bir bóligine delta bulshyq etine engiziledi. Balalarda kandaı da bir reaktsııa nemese asqyný bolǵan jaǵdaıda kómek kórsetý úshin mindetti túrde olar 30 mınýt egý kabınetinde baqylaýda bolady», - dedi ol.