Vaktsına: Túrkistan oblysynda 128 egý pýnkti bar
TÚRKІSTAN. QazAqparat –Túrkistan oblysynda 128 egý pýnktinde koronavırýcqa qarsy vaktsınatsııa egilýde. Bul týraly QazAqparat ákimdikke silteme jasap habarlaıdy.
Búgin ótken Úkimet otyrysynda Túrkistan óńirindegi epıdemıologııalyq ahýaldy baıandaǵan oblys ákimi Ómirzaq Shókeev vaktsınatsııa sondaı-aq, jyljymaly vaktsınatsııalaý pýnktterinde júrgiziletinin atap ótti.
«Oblysta 80 kóshpeli egý brıgadasy jumys isteıdi. Vaktsınatsııa júrgizý úshin daıarlanǵan 500-den asa mamanmen qamtamasyz etildi. Túrkistan oblysy boıynsha jappaı vaktsınatsııalaý algorıtmi jasalǵan. Josparǵa sáıkes, 185 myń doza «Spýtnık-V» jáne 752 myń doza quraıtyn «QazVac» otandyq vaktsınamen qamtamasyz etý josparlanyp otyr»,-dedi Ómirzaq Shókeev.
Túrkistan oblysynda aqpan aıynan bastalǵan vaktsınatsııanyń 180 100 dozasy jetkizilip, birinshi komponent 176 myńnan astam adamǵa, ekinshi komponent 41 myń azamata salyndy. Jalpy 700 myńnan asa azamattan PTR test alynǵan.
Sońǵy táýlikte 30 adam KVI aýrýshańdyqpen tirkelip, onyń jartysynan astamynan aýrýdyń sımptomsyz túri anyqtalǵan. Koronavırýstyq ınfektsııanyń ár túrli stsenarıine baılanysty ınfektsııalyq tósek-oryn sanyn 5 610-ǵa deıin ulǵaıtýǵa múmkindik bar.
Jappaı vaktsınatsııalaý algorıtmine sáıkes, qala jáne aýdan turǵyndary vaktsınany jergilikti emhanalardyń egý kabınetterinde arnaıy tizim jáne aldyn ala jazylý tásili boıynsha saldyrady. Ekpe sondaı-aq jyljymaly pýnktterde júrgiziledi. Turǵyndar aldyn ala Egov elektrondy júıesi arqyly tirkelip, erikti túrde vaktsına saldyra alady.
